رداً على صفعة ياسر إبراهيم الزمالك يتاجر بباسم مرسي واللاعب يندب حظه: هي دي اخرتها يا زمالك؟!

رداً على صفعة ياسر إبراهيم الزمالك يتاجر بباسم مرسي واللاعب يندب حظه: هي دي اخرتها يا زمالك؟!

نشر باسم مرسي مهاجم نادي الزمالك على حسابه الرسمي بموقع التواصل الاجتماعي تويتر العديد من التغريدات عن موقف النادي معه.

وفي 10 تغريدات وضح اللاعب باسم مرسي الموقف الذي اجبره نادي الزمالك على المرور به بسبب موقف لا يد له به او حيلة بعد ان قرر النادي الأبيض الرد على صفقة ياسر إبراهيم بين الأهلي وسموحة عن طريق مهاجم الفريق الأبيض.

وشرح باسم مرسي القصة بينه وبين ناديه في 10 تغريدات جاءت كالتالي:

١-تلقيت اليوم اتصال من مسئول ف نادى الزمالك يطالبنى بالرجوع ، قالى بالنص " عندى ليك مفاجأة ، الزمالك عايزك ترجع و تروح نادى تانى بدل سموحة " " احنا الاخرنا البطاقة الدولية عشان لو كنت لعبت الماتش مكناش هنعرف نرجعك "

٢- بسبب موضوع معين بقيت انا طرف فيه بدون ارادتى ، دلوقتى قدامى اختيار من اتنين الاول انى العب ف الزمالك و المدرب مش عايزنى بالف جنيه ف ست شهور ....

٣- الاختيار التانى انى انتقل لفريق ترتيبه الاخير ف الدورى . هل انا بعد ما لعبت اربع مواسم ف الزمالك ، حصلنا فيهم على ٥ بطولات و احرزت ٥٣ جول ، دة يكون مصيرى من مسئولين نادى الزمالك ؟!

٤- قبل كدة انا مكنتش بطلع اتكلم ، بس الموضوع يوصل ان يتقال ان التاخير بسببى فى موضوع البطاقة الدولية و تشويه سمعتى ان دة بسبب خلاف مادى بينى و بين النادى اليونانى ف دة مش صحيح.

٥-انا عقدى اتفسخ رسمى من الاتحاد اليونانى ، لو مكنش اتفسخ رسمى مكنش يحقلى انى اتمرن مع نادى سموحة.

٦-انا فى وقت اقامتى كاملة ف اليونان ، حصلت على ٥ الاف يورو فقط و اتنازلت عن جميع مستحقاتى للزمالك و جددت سنتين اتنازلت فيهم عن ٤ مليون جنيه عشان يوافقوا على احترافى.

٧-و عند انتقالى اعارة لسموحة جددت سنة كمان على بياض

٨- انا هرجع نادى الزمالك مش لو بالف جنيه لو ببلاش لان شرف ليا انى العب ف نادى الزمالك . مكنتش حابب انى اتكلم رغم اتصال عدة برامج بيا من وقت وصولى للقاهرة لتوضيح عدة امور بمقابل مادى بس انا كنت برفض .

٩- انا حالياً بعد ما استقريت فى الاسكندرية و نقلت اسرتى و اغراضى و استأجرت محل سكن ، تم ابلاغى انى لازم الغى كل دة و ارجع حالاً يا اقعد ست شهور ف البيت.

١٠-يارب الناس الكانت بتتهمنى انى مقصر طول الوقت و بعمل مشاكل تكون الصورة واضحة لهم ، انا طول الوقت بتحط ف مشاكل انا مش سبب فيها . اسف على التطويل بس كان لازم التوضيح.

X