كتب: محمد محمود
جمهور الأهلي بجد، معندهوش رفاهية الاختيار جينات الانتماء فرضت عليه انه يكون الداعم الرئيسي لمسيرة الفريق والبطولات المحلية والقارية، جمهوره ده حماه وفِي الحلوة والمُرة معاه...
جمهور الأهلي بجد، يقضي ليلة ونهارين على الرصيف لحد ما شباك التذاكر يشتغل، أصل الأهلي عنده بالحياة ونصرهُ الْيَوْمَ هو المُني..
جمهور الأهلي بجد، النوم مخاصم عينيه وعنده ارق متواصل، لحد ماتش رادس اللي هو بالمناسبة مَش ملعبنا والتوفيق فيه او عدم التوفيق مسألة واردة ...
جمهور الأهلي بجد، مدرك ان حصد اللقب المنتظر مسئولية الكل؛ جمهور، إدارة، جهاز فني، لاعبين، وان ماتش الليلة هو الحاسم والاهم يعني تشجيع وبس تشجيع متواصل تشجيع للفريق تركيز على التشجيع أياً كان التشكيل والخطة، الأهلي بمن حضر ...
جمهور الأهلي بجد، عارف ان المسئولية الأكبر على الجمهور والتشجيع المتواصل جوه الاستاد لتحفيز فرقتي وازالة الرهبة في اول ربع ساعة، ونخلي الضغط على الخصم، هو صوت الجمهور ...
جمهور الأهلي بجد، يفرد دراعاته ويزلزل المدرج وينادي بأعلى صوت يا اهلاوي العب راجل جوه الملعب، حارب على البطولة بروح الأبطال ...
جمهور الأهلي بجد، يفكر اللاعيبة في التسخين بنلعب على بطولة عايزين الكل رجولة، واحنا ليك يا أهلي وانت جوه عينينا ...
جمهور الأهلي بجد، بيردد كله يا رب وكل الناس بتقول يا رب ويعيد ويزيد يا رب يا رب ...
وربنا يكرمنا ويفرح أعظم جمهور في الدنيا ...
جمهور الأهلي بجد ...