وجه أحمد حسام ميدو المدير الفني الأسبق للزمالك والإسماعيلي اعتذاراً عبر حسابه الرسمي على موقع التواصل الاجتماعي تويتر بعد تسريب فيديو خاص به خلال الاستديو التحليلي لمباراة مصر والبرتغال.
وتواجد ميدو بصحبة حازم إمام ومجدي عبد الغني في استديو تحليلي يقدمه سيف زاهر عبر شاشة اون سبورت من اجل تحليل لقاء مصر الودي أمام البرتغال والذي انتهى بفوز الأخير بهدفين مقابل هدف.
وكتب ميدو عبر حسابه الرسمي على تويتر "امبارح اتسرب فيديو واحنا قاعدين في الفاصل بنعتذر طبعا لكل الناس على كل لفظ خارج فيه.. وإن شاء الله هنجيب الخائن للأمانة فى أسرع وقت ممكن ..أكيد مش ذنب أى حد أنه يسمع الألفاظ دى!!.
متابعاً "أما عن الشباب اللي عايشه الدور ومصدومين من الألفاظ وكده، وكانوا فاكرين ان احنا واحنا بنتكلم مع بعض بنبيع سبح وفوانيس، فبقولهم معلش ما تتخضوش ميدو عمره ما عمل نفسه ملاك، ولا عايز الناس تفتكره ملاك!! ".
واختتم لاعب توتنهام السابق تصريحاته: "كلنا واحنا بيننا وبين بعض بنهزر وبنضحك، وأكيد لو أى حد سجل ليك انت وصحابك فى كلام أكتر من كده ممكن يطلع.. مره تانيه باوعدكم هنجيب اللي سرب الفيديو ومش هنسيبه!! صباح الفل عليكم جميعا!".