كشف حازم فتوح وكيل أعمال أيمن أشرف لاعب الفريق الأول لكرة القدم بالنادي الأهلي، عن رغبة اللاعب حال عدم تجديد تعاقده مع الفريق ورحيله بنهاية الموسم الحالي.
وقال حازم فتوح خلال حديثه عبر قناة إم بي سي مصر: "من الناحية الفنية مقدرش اتدخل كوكيل للاعب بخصوص الأمور الفنية أو قرار المدرب سواء اللاعب يشارك أو لا مقدرش اتدخل فيها أو أعقب عليها لكن أيمن أشرف تحت أمر النادي الأهلي ومن الناحية الفنية هو جاهز".
وأضاف: "أنا شغال معاه على بعض الملفات من الخليج وان شاء الله قريب جدا الرؤية هتتحسم على نهاية الموسم بكل وضوح أيمن الاتفاق ان تسويقه يبقى في دولتين عربيتين محددتين وإذا مفيش نصيب في التجديد للأهلي هو هيكون في واحدة منهم".
وأكمل: "مفيش مفاوضات بين الزمالك وأيمن أشرف.. المفاوضات بالنسبالي أن مسئول في النادي يتكلم مع اللاعب أو وكيله وفي الأمور المادية ويبلغه أن في رغبة أن النادي يتعاقد معاه ده محصلش أي حاجة تانية بقى ممكن تبقى اجتهادات أو موصلتش لدرجة الرسمية".
وواصل: "بيراميدز نستبعده لأن أي لاعب عقده بينتهي في اخر سنتين بتلاقي بيراميدز موجود الناس الله يكون في عونهم مفيش من بيراميدز أي اهتمام أو محاولة جس نبض اللاعب".
واختتم حازم فتوح حديثه: "أيمن رغبته أنه عاوز يسافر برة مصر رغبة تانية بقى لا قدر الله لو موصلناش لعرض يناسب اللاعب لسة بدري عليها بس دي مش مرحلة أولى ولا تانية".