فتح حسام البدري المدير الفني الحالي لفريق الصفاقسي التونسي النار على أحمد مجاهد رئيس اللجنة الثلاثية السابقة لاتحاد الكرة المصري.
وقال البدري في تصريحات تلفزيونية أمس الأحد عبر شاشة Etc"لم اجد مساندة خلال تدريبي لمنتخب مصر وكان هناك تعنت معي، كنت بسكت علشان تدريب المنتخب ده تكليف".
وتابع "لو عاد بي الزمن كنت هواجه الرأي العام واقولهم على الاشخاص الي اساءت للمسؤولية، قالوا اني مكنتش عاوز العب مباريات ودية وهم الي مكانوش بيوافقوا او بيرضوا على التعديلات الي بطلبها على الجداول علشان نلعب مباريات ودية".
وأضاف "في نفس الوقت، بيراميدز رفض يرسل لاعبيه للمنتخب وانا واجهت المشكلة لوحدي والاتحاد لم يقف بجانبي".
وواصل البدري "كنت بحط ماتشات الدوري بشكل معين علشان يبقى في مباريات ودية، كان يتقالي لا مش مهم لعيبة اهلي وزمالك وبيراميدز العب باي لعيبة".
وأردف "كان بيطلعوا يضللوا الرأي العام، واحد زي احمد مجاهد وكلامه، انت معملتش حاجة لدعم منتخب مصر".
وأختتم حسام البدري تصريحاته "انا عاوز اقفل الملف ده، ولو حد اتكلم تاني ههاجمه هجوم شرس، مخدموش مصر ولا كانوا أمناء على المنتخب وان مصلحة مصر تبقى قبل كل شيء".