كشف سعفان الصغير مدرب حراس مرمى نادي الإسماعيلي تفاصيل مكالمته لمحمد عواد حارس مرمى الفريق أمس الأربعاء بعد ما أعلن اللاعب انقطاعه عن خوض التدريبات.وقال سعفان في تصريحات لإذاعة أون سبورت إف إم "عواد تدرب معي لمدة 21 يومًا وفجأة غاب عن مران الأربعاء، اتكلمت معاه مساءً قولتله انت مجيتش ليه قالي انا عاوز أمشي ومش هلعب في الإسماعيلي الموسم الجاي ومتعملوش حسابي".متابعًا "قلت له ليه سبتني أعرف من على النت والمواقع، دي تاني مرة تاخد قرار بدون الرجوع لي، قالي متعملش حسابي ورديت عليه إنه هو الخسران وإن النادي مش هيقع برحيله ولكن كل يوم يغيب فيه عن المران ستوقع عليه غرامة مالية وعقده مستمر معنا لحد 2021".وأستكمل سعفان تصريحاته "قلت لعواد لو في حد بيضحك عليك وبيقولك أنا ممكن امشيك من النادي وفي ثغرة في العقد، الكلام ده غلط والي بيقوله ليك وماشي وراه هيوديك في داهية، انت الي خسران".مضيفًا "عواد ميقدرش يمضي مع الزمالك لإن عقده ممتد مع الإسماعيلي".