أكد محمد الشناوي حارس مرمى الفريق الأول لكرة القدم بالنادي الأهلي جاهزية الفريق لمواجهة الوداد المغربي في نهائي دوري أبطال أفريقيا.
ويواجه النادي الأهلي نظيره الوداد المغربي في التاسعة من مساء غدًا الإثنين بتوقيت القاهرة في نهائي دوري أبطال أفريقيا المحدد إقامته على ستاد مركب محمد الخامس بالدار البيضاء.
وقال الشناوي في المؤتمر الصحفي الذي عُقد ظهر اليوم الأحد: "اتفرجنا على فريق الوداد بشكل كويس، ان شاء الله نكون في كامل تركيزنا، حضرنا للمباراة بشكل جيد، نتمنى أن يكون التوفيق حليفنا ونعود بالبطولة الأفريقية".
وعند سؤاله عن جمهور الوداد والضغط الذي سيشكله على لاعبي الأهلي، قال الشناوي:"أنا كنت موجودأكتر من مرة في المغرب، كسبنا مرة والجمهور موجود الماتش كان في الرباط، وخسرنا في النهائي، وكسبنا بدون جمهور أيام الكورونا".
وأضاف: "النادي الأهلي بيلعب تحت أي ضغط، في وجود الجمهور معندناش مشكلة في وجود الجمهور خالص نلعب في أي مكان وضد أي فريق معندناش مشكلة".
وعن أعداد جمهور الأهلي قال الشناوي:"موضوع الجمهور مش بتاعي، أكيد بالنسبالي حاجة كبيرة أنه يكون موجود ويساندنا، لكن حتى لو مش موجود هما روحهم معانا واحنا بنلعب علشان نفرحهم ونكسب ونرجع بالبطولة، حتى لو مقدروش يجوا بأعداد كبيرة احنا عارفين أهميتهم بالنسبالنا وتشجيعهم الدائم لينا وان شاء الله نقدر نفرحهم ونرجع بالبطولة".
وأتم محمد الشناوي حديثه: "احنا مركزين بكرة وحاطين الهدف بتاعنا من أول ماتش في البطولة لحد انهاردة احنا عارفين أهمية البطولة، هنلاعب فريق قوي، وهنحترمه جدا، وان شاء الله ربنا يوفقنا ونكسب اللقب".
طالع أيضًا:
أبرز تصريحات موسيماني والشناوي في المؤتمر الصحفي قبل نهائي أفريقيا أمام الوداد