تحدث السويسري مارسيل كولر المدير الفني للفريق الأول لكرة القدم بالنادي الأهلي عن مشاركة ثنائي الفريق حسام حسن ومحمد شريف في مباراته أمام فاركو بالدوري الممتاز.
والتقى الأهلي وفاركو مساء اليوم الثلاثاء ضمن منافسات الجولة الثامنة من بطولة الدوري والتي أقيمت على ستاد برج العرب بمدينة الإسكندرية وانتهت بفوز المارد الأحمر بهدفين مقابل هدف وحيد.
+90 تعود من جديد.. الأهلي يخطف فوز قاتل على حساب فاركو بالدوري
وقال كولر في المؤتمر الصحفي بعد نهاية المباراة: "حسام حسن مكانش بياخد دقايق كتير وجربته انه يلعب جناح دايما بتكلم مع اللعيبة ان التمرين رقم 1 بالنسبالي اللي بيديني في التمرين وبيأدي 100% هو اللي يستحق فرصة وبينزل وبيلعب".
وأكمل: "وهو (حسام حسن) بذل جهد في التمرين (في ملعب مختار التتش) واستحق ياخد فرصة وهو وشريف نزلوا وعملوا مردود كويس وقلبوا نتيجة الماتش".
وواصل: "عندنا ضغط مباريات غير معقول هنلعب في ديسمبر يناير فبراير مارس تقريبا كل 3 ايام في بعض الوقت هيبقى 4 لكن الاغلب هيبقى 3 ايام ده رتم مينفعش احرق فيه عدد قليل من اللعيبة لازم كله يبقى جاهز وعنده رتم الماتشات بحيث انه كل يبقى جاهز واقدر العب بأي تشكيل كله يبقى جاهز ومستعد ميبقاش فيه اي فروق".
وأتم كولر حديثه: "شريف لاعب كويس ولعب جناح ودي مش اول مرة مش انا اللي اخترعتها ومعندناش لعيبة كتير اجنحة بتلعب برجليها الشمال عنده ميزة انه بيلعب برجليه الاتنين وبيعملها كويس جربت لعب فترة راس حربة في وسط الماتش انتقل لراس الحربة وجاب جول هداف كبير ويقدر يبقى حل بالنسبالي سواء جناح او مهاجم".