اداري بيراميدز حالياً وضحية «أي قذيفة جاءت»سابقاً: «والله أبطال إن إحنا بنافس»
أسقط النادي الأهلي فريق نادي بيراميدز للمرة الثانية في عشرة أيام فقط في الدوري المصري الممتاز لكرة القدم بعد تفوقه بهدف نظيف.
وعلى أرضية ملعب الدفاع الجوي بالقاهرة استطاع النادي الأهلي التفوق علي فريق نادي بيراميدز بهدف نظيف ليقترب من لقب بطولة الدوري المصري الممتاز لكرة القدم بعدما استطاع الفوز في مواجهتي القمة بثلاثة اهداف لهدفين وبهدف نظيف.
وكتب احمد ظاهر عضو الجهاز الإداري الحالي في فريق نادي بيراميدز وسابقاً بنادي الزمالك في فترة باتشيكو التي خاض نهائي القرن امام النادي الأهلي وظهر وهو متأثر بقاضية افشة على دكة بدلاء الأبيض في المباراة.
وقال اداري بيراميدز:
والله أبطال إن إحنا بنافس..
العب من غير الشيبى ده موقوف .. حاضر
العب من غير رمضان صبحى وهو فى أعلى فورمه وكان رايح منتخب بحجة منشطات وهمية .. حاضر
إبراهيم عادل واحد من أحسن اللاعيبة في مصر هيلعب معاك وبعدها يسافر .. لا معلش ده مصاب يوم ١٢ ويلعب مع المنتخب ١٤ سبحان الله مع إن حقى إنه ميروحش خالص .. بس برضه حاضر
أكتر حاجة مضحكانى فى موضوع إبراهيم عادل تصريحات عضو مجلس الجبلاية إن اتفاق لعب إبراهيم عادل اللى هو حقى أصلا وممكن ما يسافرش عادي بقرار مني كان بعلم المنافس طب هو ماله بالموضوع أصلا.
إعادة شوط سموحة مع إن اللائحة واضحة وبتقول المباراة تحتسب لبيراميدز .. بس برضه تاني حاضر
أول فريق يلعب بعد التوقف الدولى بيومين مع إن عنده نص الفريق مع المنتخبات في مخالفة صريحة للائحة .. حاضر
انت لازم تلعب الساعة ٤ وبعدها ٥ ونص في عز الحر مع إني بنافس ، بس المنافس يلعب عادي بالليل .. حاضر
معلش أصل حكم مباراة المقاولون المفروض ميحكمش كارت معاهم لوقت اللزوم نطلعه
ظلم واضح من حكام مباراتين الدوري .. ويقولك الدورى ذهب لمن يستحق
ناس في الرابطة واتحاد الكرة طلعوا يهاجموا النادي لمجرد إنه بيدور على حقوقه وتقولي منافسة … إحنا أبطال والله