تحدث الإعلامي سيف زاهر عن رد خالد بيبو مدير الكرة السابق بالنادي الأهلي عن التصريحات التي أدلاها خالد الجوادي مترجم مارسيل كولر السابق.
وقال خالد بيبو في تصريحات نقلها سيف زاهر على لسانه: انا كنت بسأل مارسيل كولر في أشياء كثيرة وبتكلم معاه كتير مش علشان أراضيه، انا بسأله عشان استفاد واعرف سيستم الراجل واتماشى مع هذا السيستم ومش ده سبب أني امشي.
وأضاف: سبب رحيلي عن الأهلي أني خفت على مصلحة الأهلي ولو أنا مش موجود كان فيه ناس تاخد دور أكبر من دورها مثل الأستاذ خالد الجوادي، الخلاف اللي كان موجود انك عاوز تاخد مساحة اكبر من مساحتك لو اديتهالك كنا بقينا حبايب.
وتابع: انا مشيت عشان حطيت كل واحد في مساحته وكولر خلافه معايا كان انه مش مقتنع بالمكان ده مش من ايامي من اوقات كتير وفي الآخر مش هنوصل لهدف، مصلحة الأهلي أهم حاجة ولو فيه خلاف انا مش هكون موجود اللي يهمني مصلحة الفريق.
واكمل: انا مبردش على حد انا ما زلت موجود بالنادي الأهلي وملتزم بقواعد الأهلي.