تحدث خالد بيومي عن نظام الكرة المصرية وبطولة الدوري المصري الممتاز وعدم وجود أي خطط داخل كرة القدم في مصر.
وقال خالد بيومي: اي نظام دوري في العالم بيكون باين الكليندر بتاعه من أوله لاخره ودة بيتيج لأي مدرب يكون موجود ويبني عليه خطته وطريقته واسلوبه وخطط الأحمال البدنية لكل نادي وبالتالي لأن احنا معندناش كليندر ومعندناش توقيت وتواريخ للمباريات حتى الي بتتأجل، انا هعذر كل مدربي مصر لأن معنديش الكليندر الي اشتغل عليه.
وتابع خالد بيومي: الجمهور بالنسبة للكرة المصرية هذه ليست مشكلة مدربين هذه مشكلة تخطيط للرياضة وكرة القدم المصرية وهعذر كل مدربين مصر لأن معندهوش الخطة الي يشتغل بيها وهعذر مستوى اللعيبة لأن اللعيب يلعب اسبوع وميلعبش ١٥ يوم فبالتالي مجيش اطالب أنه يتقدم مستواه ويبقى عندي منتخب قوي.
وأضاف: مستوى الدوري المصري دوري كان بيتفرج عليه الدول العربية وانتج أندية لعبت على المستوى القاري أن المستوى بقى سئ مش بسبب المدربين واللعيبة بس بسبب تخطيط وتنظيم الكورة المصرية وتنظيم لكليندر الدوري علشان تريحني كمدرب ولاعيب وتطلب مني بعد كدة.
وتابع: هل يعقل أن فيه لاعيب في الدوري المصري يساوي ٥٠ مليون جنيه وهي اساسا متساويش ١٠ مليون وكل دة لازم اخطتله في ٥ ولا ٨ سنين ومش هخطط علشان جاي اعد على كرسي بس.
وأكمل: الأهلي والزمالك بيصرفوا مليارات علشان يلعبو إفريقيا والأندية الشعبية بتصرف ملايين علشان تلعب الدوري المصري وفي الاخر مكافأة الدوري مليون ونصف جنيه بكل الإعلانات والبرامج والتسويق.