كشف إمام عاشور لاعب الأهلي ومنتخب مصر عن علاقته القوية بكهربا بعد انضمامه للنادي الأهلي.وقال إمام عاشور في تصريحات ببرنامج "حارس الاهلي": "علاقتي انا وكهربا انا مشوفتش كهربا ولا هو شافني الا في ماتش الاهلي والزمالك، اول مرة لما كنت بلعب في الزمالك وهو بيلعب في الاهلي وكان اللعب واقف وبنتكلم في حاجة برة الكورة ، ولا قالي اي حاجة ساعة ما أستاذ امير توفيق كلمني".وتابع: "كهربا كلمني لما خلصت ، وقالي مستنيينك ترجع من الاصابة وسهلي الدنيا لكن مقابلتوش قبل كده بره الملعب ، بس دلوقت مينفعش يعدي يوم ميكلمنيش".وكان الأهلي تعاقد مع إمام عاشور من نادي ميتلاند الدنماركي في صفقة أثارت ضجة كبيرة في الوسط الرياضي.