لم يفوت أيمن يونس إحتفال امام عاشور بهدف الأهلي الثاني وتحدث كثيرا بشكل غريب مشيرا بأن لجنة المسابقات عليها أن تتدخل لمعاقبة اللاعب.
وقال ايمن يونس عبر استوديو اون سبورت: " احتفال امام عاشور هنقف عنده كتير، ازاي ينزل معاه كده، وازاي يتصرف كده؟ وازاي يفكر كده؟ وازاي يلعب للسوشيال ميديا؟ ده النادي الأهلي كبير أوي، لام لعيبته كلها جوه الماتش الكلام ده كله خارج عن إطار النادي الأهلي".
وأضاف أيمن يونس: "بالنسبالي تصرفات غير مقبولة ولازم امام عاشور يراجع نفسه ويراجع أسلوبه ويراجع تعامله ولجنة المسابقات أكيد موجودة وهاتكتب كل حاجة لأن لعيبة الكرة لازم تبقى مركزة في الملعب مش بتفكر في السوشيال ميديا وطرق احتفالات خارجه ولازم تحافظ على العلاقات بين الجمهور".
وعند عرض أستوديو أون سبورت لاحتفالات البليهي مدافع الهلال والمنتخب السعودي حاول ايمن يونس الخروج من الموقف المحرج وقال: "أيا كان صورة البليهي بيعملها لكن تصرف امام عاشور مختلف تماما، آه طبعا فيه لعيبة بتحتفل بنفس الطريقة لكن انا شايفها طريقة مرفوضة تنزل بحاجة معاك مخبيها وتقعد تنفخها ترصف غير مقبول".
وحقق الأهلي الفوز على سموحة بثنائية أفشة وامام عاشور وانفرد بصدارة الدوري المصري برصيد 15 نقطة متفوقا على الزمالك وبيراميدز في المركز الثاني برصيد 14 نقطة.