علق خالد بيبو المدير الرياضى السابق للأهلي على مقارنته بسيد عبد الحفيظ وهجوم البعض عليه وتصدير فكرة أنه لم ينجح في ذلك المنصب.

وقال خالد بيبو في تصريحات عبر برنامج "حبر سري": "المقارنة ظلمتني مع كابتن سيد عبد الحفيظ كمدير كرة هو قعد فترة كبيرة مدير كرة اشتغل وغلط وصلح غلطاته المفروض متقارنيش بعد 10 سنين من شغله أنا اشتغلت سنة واحدة فميش مقارنة".

وأضاف بيبو: "أنا اتهاجمت من قبل ما أشتغل، عشان الناس كانت شايفة إن مدرسة الكابتن سيد مريحة ليهم، وهو عنده كاريزمته الخاصة به، وأنا مختلف عنه تماما، ومستحيل أكون عامل أرقام تاريخية كفريق ويكون عندي مشكلة في أوضة اللبس".

وأكد: "كابتن الخطيب دايما يقولي اشتغل وأنا في ضهرك، وانا كنت بحصل على الدعم من مجلس الإدارة، عشان كنت بتحارب من ناس كتير، عشان أنا معنديش ظهير، والنتائج في الآخر مش ممكن أكون فرطت في أوضة اللبس وتكون نتائج الفريق بهذا الشكل".

واختتم: "انا اتعلمت اشتغل كويس وأدي 100% هما هاجموني ورغم ذلك أنا حققت 100% انا معنديش لاعب ضرب لاعب أو كان عندي مشكلة كبيرة كان كله طبيعي، ومحقق أرقام كبيرة في شغلي وناجح".