أكد أحمد حسام "ميدو"، عضو اللجنة الفنية بنادي الزمالك، أن أزمة أحمد سيد "زيزو" مع النادي لم تكن خالية من الأخطاء، لكنه شدد في الوقت ذاته على أن مجلس الإدارة يعمل في ظروف بالغة الصعوبة، ويواجه تحديات مالية كبيرة تتطلب تضافر الجهود وعدم إصدار أحكام متسرعة.وقال ميدو في تصريحات إعلامية: "أيوه، الخطأ في أزمة زيزو موجود، وأنا مش جاي أدافع عن المجلس، لكن لازم أكون صريح وأقول إني عارف إن المجلس بيشتغل في ظروف صعبة جدًا مش عايز أقول كلام يعاكس اللي قلته قبل كده، لكن الحقيقة إننا بنمر بمرحلة انتقالية على المستوى المالي والإداري".وأضاف: "في تغييرات كبيرة بتحصل في الدايرة المالية داخل النادي، وده بيأثر على النظام العام وبيتسبب في تأخر بعض المستحقات. الموضوع مش تعقيد، لكن السيستم نفسه بيتغير، وده ملف شغالين عليه كويس جدًا".وأشار ميدو : "إحنا عارفين إننا جايين في موقف صعب، لكن أسهل حاجة إننا كأبناء النادي ننسحب ونسيب المسؤولية. أنا، كابتن حازم إمام، والأستاذ عمرو الجنايني عمرنا ما هنهرب، وعمرنا ما هنتخلى عن دورنا".وتابع: "في ملفات لازم تتحل بسرعة، وملفات تانية محتاجة حلول طويلة المدى، وإحنا ملتزمين بده. جمهور الزمالك عارف إننا عمرنا ما هنهرب أو نسيب مكانّا. لازم نعدي بالنادي من المرحلة دي، ومع مجلس الإدارة إحنا فريق واحد".واختتم : "لما بنكسب، كلنا بنكسب سوا، ولما بنخسر، لازم نقف متحدين. وده أكتر وقت لازم كل عناصر النادي، من إدارة وجهاز ولاعبين وجمهور، يكونوا على قلب رجل واحد".