تحدث الإعلامي أحمد شوبير عبر قناة النادي الأهلي عن الشائعات التي انتشرت على القلعة الحمراء خلال الفترة الماضية.وقال شوبير:" للأمانة الشديدة فجأة وبدون سابق إنذار يطلع حد يقولك اصل كولر زعلان من شوقي ليه زعلان منه اصل بيدخل قي صلاحياته وبيمنعه أنه يشتغل طب حضرتك جبت الكلام منين يعني انا سامع جد كان بيتكلم وقالك كابتن الخطيب شدد في الإجتماع أن الاسرار دي متطلعتش برة وأبدى غضبه أن الموضوع دة طلع برة".وأضاف:" طب كابتن الخطيب الي شدد والي قال والي اتكلم والاجتماع كان مصغر حضرتك جبتها منين هل الخطيب خلص الإجتماع وطلع قالك عليها مثلا مش عارف فيجي واحد يقولك الخناقة بين شوقي و كولر خناقة ايه وليه يعني هو اي سبب الخناقة حضرتك قولي علشان ابقى معاك في الصورة قولي طيب علشان نصالحهم ونطيب خاطرهم."وتابع:" وبعدين كان فيه خناقة مع سيد عبد الحفيظ وبيبو ومحمد رمضان وشوقي نقفلك النادي علشان ترتاح نعملك ايه مهو انا مش عارف صفي حساباتك بعيد عن هذا الأمر".