وجّه الإعلامي أحمد شوبير انتقادات لاذعة إلى المهندس هاني أبو ريدة، رئيس مجلس إدارة اتحاد الكرة المصري، على خلفية طريقة إدارة الاتحاد مؤخرًا، لا سيما بعد أزمة القمة الأخيرة بين الأهلي والزمالك.وقال شوبير، خلال تصريحاته الإذاعية :«اتحاد الكرة لازم اللي يدير يكون من جوا الاتحاد، مينفعش يدار من بره».وأشار شوبير:«أنا بقول للمهندس هاني أبو ريدة زي ما انت مركز بره لازم تركز جوه، لأن دا كمان مهم جدًا. عين مستشار فني براحتك، بس يكون ليه قيمة وتأثير فعلي».واضاف«يا بشمهندس هاني، أزمة التحكيم بتاعت ماتش الأهلي والزمالك سببها كان مين؟ إنت عارف كويس مين، وأنا بقولك بوضوح».واختتم «إنت راجل جيت بالتزكية انت والمجلس، خلاص، في وقت مكنش حد يتوقع أنك ترجع تاني. لازم حضرتك تكون قد الثقة. دي مش مجرد كورة، دا دور مهم، وصمم على قرارك ودير من جوه مش من برا».