تحدث النجم التونسي فخر الدين بن يوسف، لاعب المصري ، عن كواليس واقعة طرد محمد عبد المنعم، مدافع الأهلي السابق، خلال نهائي كأس مصر الأخير، في مباراة انتهت بتتويج الأهلي باللقب، لكن شهدت لقطة أثارت الكثير من الجدل خارج السياق الفني للمواجهة.
وفي تصريحات اذاعية استعاد فخر الدين تفاصيل ما حدث، قائلًا:"دي كانت واحدة من النهائيات الكتيرة اللي لعبتها. محمد عبد المنعم اتطرد بعد احتكاك من غير كورة، وده حصل في لحظة حساسة جدًا في نهاية المباراة، لأنه الأهلي كان متقدم، والوقت كان قليل".
واضاف "أنا مكنتش المفروض ألعب الماتش، كانت عندي إصابة خفيفة، ونزلت في وقت قصير عشان أحاول أساعد. كنت موجوع ومش قادر أعمل فارق كبير، فقررت أشتغل بـ"المكر الإيطالي"!".
وتابع"روحت لعبد المنعم، استفزيته بالكلام، ممكن يكون فيه شتيمة بسيطة كده، وهو رد بسرعة وشافه الحكم وطرده، كان فاضل دقايق قليلة وكنا بنضغط جامد، لو كنا سجلنا هدف التعادل كان عبد المنعم هيكون في ورطة كبيرة مع ناديه"
ووصل"عبد المنعم اعتذر لي بعد الماتش على إنستغرام، وبعدها سلمنا على بعض في الماتش اللي بعده، وأنا كمان بعتذر له لأن الاستفزاز جزء من اللعبة، خصوصًا في النهائيات، اللي بتلعب فيها على أي هامش ممكن يرجّح كفّتك".
اختتم بن يوسف :"ده طبيعي في الكورة، النهائيات بيكون فيها تفاصيل صغيرة ممكن تصنع الفارق، وأنا حاولت أستخدم كل وسيلة ممكنة عشان أرجّع فريقي في الماتش".