يوسف: كان يجب على الأهلي التعامل مع فتحي بشكل مختلف «لأنه معروف».. واللاعب أخطأ في هذا الأمر



أكد محمد يوسف المدير الفني للفريق الأول لكرة القدم بالنادي الأهلي السابق ان أحمد فتحي لاعب الفريق كان يجب ان يدير ملف تجديد تعاقده مع القلعة الحمراء بصورة أخرى غير التي أداره بها.

وقال يوسف خلال حديثه لقناة أون تايم سبورت "في سيناريوهات كتير جدا كان ممكن يدار بيها الموضوع من قبل أحمد فتحي، وهو عارف ان النادي طول عمره عنده معايير ونقاط ومستويات بيحطها وإطار بيتحرك جواه ومش بيخرج عنه".

وأضاف " فتحي عمل 3 او 4 تجديدات ومعروف من خلال الوقت اللي اشتغلت فيه، معروف كل واحد تجديده بيكون عامل ازاي في ناس بتخش تمضي على العقد بتمضي وفي ناس بتتناقش، فتحي من الناس اللي بتحب تعرف وتتناقش وتفهم وبياخد ويدي شوية، وكان لازم النادي يبدأ معاه المفاوضات من بدري".

وتابع "وجهة نظري ان فتحي مكانش ينفع يقعد مع مسئولي لجنة التخطيط ويقولهم محتاج 48 ساعة أفكر وهو عارف السيناريوهات قبلها، أحمد عارف العروض اللي كانت عنده ولو مكانش عنده عروض قبل ما يقعد كان هيوافق على عرض الأهلي".

وأردف "ليه أحمد فتحي يقعد مع المسئولين في النادي اللي قضى فيه 12 سنة وهو عارف الإطار او المستوى اللي النادي حاطه مش هيوصل للرقم اللي هو عاوزه".

وأتم محمد يوسف حديثه "كان لازم أحمد فتحي يحسم الموضوع من بدري ويقولهم أنا بكتفي بالفترة دي وعاوز اخوض تجربة تانية في مكان تاني زي ما شريف إكرامي عمل".

 

استطلاع الراى


من يتأهل في مجموعة الأهلي بدوري أبطال أفريقيا
الدوري العام - 2020/2021