أكد فاروق جعفر أن مرتضى منصور رئيس نادي الزمالك الحالي يعد سببًا في زيادة جماهير ناديه في الفترة الأخيرة بسبب إدارته الجيدة للنادي من وجهة نظره.

وقال لاعب الزمالك السابق في تصريحاته لقناة ناديه أمس الجمعة "في ناس بتطلع دلوقتي تهاجم رئيس النادي، لو مش عاجبك مرتضى تعالى انزل انتخابات قصاده ولو تقدر تكسبه اكسبه".

وأضاف "الواقع هو ان مرتضى بقى له رصيد كبير في النادي حاليًا بالنتائج والبطولات والتاريخ الي عمله لنادي الزمالك في وقت قليل جدًا عكس تاريخ الزمالك ما قبل مرتضى".

وأستكمل جعفر "الزمالك بقى بينافس على كل البطولات بتتخطيط علمي للمستقبل، مرتضى تسبب في ان جماهير الزمالك تبقى قد جماهير الأهلي".

وتابع "شوف الأول كان جمهور الأهلي بيحضر الاستاد بـ 45 الف مشجع وقصاده جمهور الزمالك بـ 10 آلاف بس، لكن دلوقتي جماهير الأهلي والزمالك بقت قد بعض".

وأختتم فاروق جعفر تصريحاته قائلًا "مكناش نعرف يعني ايه طيارة خاصة قبل مرتضى منصور، دلوقتي في طيارة بتودي اللعيبة وتستناها تخلص الماتش وترجع بيها تاني".