أحمد شوبير: مكاسب رمضان صبحي مع بيراميدز مادية فقط.. وفتحي مكاسبه صفر حتى الآن



تحدث الإعلامي احمد شوبير عن الرباعي شريف اكرامي وأحمد الشيخ وأحمد فتحي ورمضان صبحي المنضمين في بداية الموسم لصفوف فريق بيراميدز.

وسقط بيراميدز في فخ التعادل بهدف لمثله أمام ضيفه الجونة، في المباراة التي أُقيمت مساء أمس الخميس، ضمن منافسات الجولة الـ 14 من الدوري العام.

وقال شوبير خلاص برنامجه مساء أمس عبر شاشة أون تايم سبورتس "اكتر واحد كسبان هو شريف إكرامي، أه بيدخل في مرماه اهداف بس مفيش حارس مش بيدخل فيه اهداف".

وتابع "شريف دلوقتي بيشارك أساسي وبيصد كورة ولا كورتين كل ماتش وطبيعي يدخل فيه أهداف، في رأيي هو كسبان حتى الآن".

وأضاف "أما بالنسبة لأحمد الشيخ، هو لعب وجاب جول في الزمالك وبعدها لعب مباراة واتصاب وخرج ولم يظهر حتى الآن وبناءً عليه منقدرش نحكم على التجربة دلوقتي".

وواصل شوبير "أما أحمد فتحي فهو اتصاب ورجع، النهاردة نزل أمام الجونة في اللحظة الي اتسجل فيها هدف التعادل، فتحي مكسبه لحد دلوقتي مع بيراميدز صفر".

وعن رمضان صبحي قال شوبير "هو بيجتهد وبيحاول ويجيب اجوال، لكن انت ممكن تكسر الدنيا مع اشبيلية لكن يظل ريال مدريد وبرشلونة ليهم بريق خاص، رمضان بيحاول وبيموت نفسه وبيصنع ويضيع، لكن الأهلي والزمالك هما الشعبية والاعلام، هناك مكاسب مادية لرمضان صبحي ده أمر مؤكد، لكن على ارض الواقع مفيش مكاسب معنوية".

استطلاع الراى


توقعك من يواجه الأهلي في ربع نهائي دوري أبطال أفريقيا
كأس مصر - 2020/2021