فاركو يجيب.. هل يتفاوض لضم ثنائي الأهلي؟



تحدث عاطف حنفي مدير الكرة بنادي فاركو الصاعد حديثًا للدوري المصري عن خطة ناديه في سوء الانتقالات الصيفية الحالية.

وقال حنفي في تصريحات عبر قناة أون تايم سبورت اليوم الأحد "منذ صعود الفريق مباشرة وهناك اقاويل كتير يبتم ترديدها عن الفريق وصفقاته".

وتابع "بيتقال اسامي كتير من اللاعبين اننا تعاقدنا معاهم، وتحديد 500 مليون للتعاقد، احنا شركة كبيرة ومنظومة كبيرة، صاعدين علشان نحقق مركز كويس في الدوري وبنشتغل بهدوء، بتحط ميزانية كل حاجة سواء معسكرات او غيره، اللعيبة بتطلب ارقام خيالية".

وواصل "كنادي إحنا مخصصين رقم كويس بس مش الـ 500 مليون زي ما اتقال، لما نحط تكلفة كل حاجة عاوزينها من معسكرات وانتقالات ورواتب وغيره هنعرف الإجمالي كام".

وأضاف عاطف عن حقيقة التعاقد مع عدد من اللاعبين من بينهم سعد سمير ومروان محسن "مش هقدر اقول حاجة لاني مش عارف اتكلم بشكل جاد بسبب عدم وضوح رؤية الموسم الجديد حتى الآن، امنياتي نتعاقد مع لعيبة كبيرة".

وأختتم "تم الاتفاق مع 4 اجانب، في طريقنا لاتمام التعاقد والاعلان عنهم، هم لعيبة اول مرة تلعب في مصر، في منهم من شمال افريقيا".

استطلاع الراى


صفقة تتوقع تألقها مع الأهلي
كأس مصر - 2020/2021

الفيديوهات الأكثر مشاهدة خلال شهر