خرج حازم إمام لاعب الزمالك السابق وعضو مجلس إدارة اتحاد الكرة المصري بتصريحات عن أزمة محمد أبو جبل ورحيله من نادي الزمالك.
تصريحات حازم إمام التي انتقد فيها تصرف محمد أبو جبل أعادت للأذهان ما صرح به وقت رحيل رمضان صبحي من صفوف النادي الأهلي وانضمامه إلى صفوف بيراميدز.
ويستعرض El-Ahly.comالتضارب الكبير في أسلوب وتعليق حازم إمام على رحيل رمضان صبحي ورحيل محمد أبو جبل خلال السطور التالية:
حازم إمام: يجب أن يعتذر أبو جبل.. والبقاء في نادي كبير بأموال أقل هو القرار الأفضل
خلال الاستديو التحليلي لمباراة الزمالك والإسماعيلي أمس في بطولة كأس مصر، قال حازم إمام "ابو جبل محترم وانا بحترم الجميع ومش بحب اضغط على حد، من حقه يبقى عاوز يرجع، واكيد كل واحد يحب يلعب في نادي الزمالك، لكن انت تقيس حب النادي بجد لما تبقى جامد ويجيلك حاجات كتير وتفضل النادي بتاعك".
وتابع "انا بتكلم بشكل عام مش أبو جبل فقط، كلنا واحنا بنلعب جات لينا عروض لكن الي يخلي الجمهور يحبك انك بتبدي النادي وتقرر تكمل، مش تخلي النادي خيار أخير ليك".
وواصل "عودة ابو جبل قرار إدارة وجهاز فني، انا بحب ابو جبل وهو من افضل الحراس، لكن انا مش بحب انك علشان مش لاقي عرض تقول ارجع الزمالك".
وأضاف حازم "الزمالك أدار الملف بشكل صحيح، لازم ابو جبل يطلع ويعتذر لجماهير الزمالك، بقول لابوجبل وأي حد لما تلعب في نادي كبير بفلوس اقل شوية لكن انت بتلعب كورة 10 سنين وتبطل كورة 40 سنة، لو انت في الـ 10 سنين دول معندكش جمهور لنادي كبير قيمتك هتقل، احنا لعبنا بس الي معيشنا اننا مع نادي كبير".
ولكن ماذا كان رأي حازم إمام في رحيل رمضان صبحي إلى بيراميدز منذ عامين؟
في فيديو تم نشره على اليوتيوب بعنوان " حازم إمام: اللي حصل من بيراميدز مع الأهلي بيحصل من الأهلي والزمالك مع الأندية الأصغر ليه زعلانين" وتاريخ يوم 15 أغسطس 2020، كانت تصريحات حازم إمام كالتالي:
حازم إمام: جمهور الأهلي غاضب.. ولكن رمضان صبحي له متطلبات وهو ده الإحتراف
وقال حازم في تصريحاته خلال الفيديو المذكور سابقًا "بناخد من الاحتراف الي احنا عاوزينه ونسيب الي احنا مش عاوزينه، الدنيا في مصر دلوقتي موضوع الانتماء وولاد النادي مش هتلاقيه في كل حتة وكل الناس".
وتابع "مقدرش اقارن زمان بدلوقتي، فلوس زمان مش زي فلوس دلوقتي، مقدرش اقول زمان كان في انتماء وكدة، في ناس لو كان اتعرض عليها الفلوس بتاعة دلوقتي ممكن تسيب انديتها عادي".
وأضاف "لو انا برة الموضوع ممكن اقولك الانتماء وعيب، لكن انت لو مكان الشخص في متطلبات واحتياجات وحسب حبه لناديه وشايف النادي ازاي".
وأردف تصريحاته "مقدرش اقيس نفسي على رمضان صبحي، هو اكيد زعل قطاع كبير من جمهور الأهلي لكن هو ده الاحتراف، انت بتقول عاوز لعيبة محترفة وبتجيب لعيبة في سن صغير بفلوس قليلة وتكسب بيه، لكن مش بتقبل ان اللاعب يسيبك ويروح لنادي تاني".
مختتمًا "بتبقى عاوز تشتري اللاعب وده احتراف، لكن لو لاعب مشي تضايق وتشوف اللاعب مش منتمي ولاعب مش كويس، نظرة اللاعب للنادي مبقتش زي زمان، المادة بقت طاغية شوية في الرياضة بشكل عام".