كشف أحمد شوبير الإعلامي بقنوات أون تايم سبورتس عن قيام طارق العشري المدير الفني للفريق الأول لكرة القدم بنادي سموحة بصدمة لاعب الأهلي في أول لقاء بينهما.

وكان سموحة قد تعاقد مع زياد طارق وحسام حسن ثنائي النادي الأهلي على سبيل الإعارة لمدة 6 أشهر خلال فترة الانتقالات الشتوية الجارية.

وقال شوبير خلال حديثه عبر إذاعة أون سبورت: "ليا لوم او عتاب صغير على كابتن طارق العشري، اول لقاء حصل ما بين طارق العشري وزياد طارق قاله كلمتين صعبين جدا جدا".

وأضاف: "أنا قريت تصريح لكابتن طارق العشري قال أنه مش محتاجه ماشي خلاص لما اللاعب يجيلك تقوله أنا كنت صرحت بكدة لكن أنت دلوقتي معانا وعلى ذمة الفريق شد حيلك واتمرن كويس وان شاء الله يبقى ليك نصيب معانا حاجات كتيرة جدا ممكن تحصل يعني المفروض".

وأكمل: "لكن يا كابتن طارق مينفعش تقعد مع ولد لسة جايلك وتقوله أنت مش في حساباتي أنا مش عايزك أنا عندي أربعة في مكانك أنت ملكش دور عندي أنت اللي جابك رئيس النادي لكن أنا ماكنتش موافق أنك تيجي".

وأتم شوبير حديثه: "صعبة أوي يا كابتن طارق حتى لو أنت ماكنتش عايزه جانبك الصواب والتوفيق في الكلمتين دول".