تحدث الدكتور أشرف صبحي وزير الشباب والرياضة عن أزمة عدم قيد الصفقات الجديدة للزمالك خلال فترة الانتقالات الشتوية الماضية، ورحيل مارك كلاتنبرج رئيس لجنة الحكام السابق في الاتحاد المصري لكرة القدم.
وقال أشرف صبحي خلال حديثه عبر قناة إي تي سي: "كلامي علشان يكون واضح المشكلة بتكون ناتجة عن من يدير لما بتحصل مشكلة الثقافة نفسها يفضل يتقال فين الوزير؟.. الوزير مع المنتخب يشوف اللي موجود اكيد مش بسيب حاجة غير لما بتدخل وبقعد اسمع".
وأضاف: "لغاية امتى لازم؟ مش عاوز اقول مصطلح يخرج عن الطبيعي لكن هي مسئولية من يدير مش الوزير الوزير بيتدخل في الاخر وبنحل.. مفيش مشكلة مكانش ليها حل وبنراعي القانون وبنراعي اننا مسطرة ومبنشوفش الفريق ده مين والفريق ده ايه".
وأكمل: "حصل بنقول اتحاد الكرة تواصل واتخاذ الاجراءات القانونية وبعتنا الخطاب لكلاتنبرج مستحقاته المالية تتبعتله واتخاذ الاجراءات من قبل الاتحاد.. الباقي من حق اتحاد الكرة ياخد كل اجراءاته القانونية واللجان لها المسئوليات والسلطات من حق رابطة المحترفين في ادارة الدوري تاخد كل قراراتها المتظلم عنده حاجتين يا التحكيم الرياضي يا المحاكم لحد المحكمة الرياضية ده التنظيمات الفنية".
وواصل: "احنا مع القواعد الانضباطية ويبقى في لجنة للاخلاق والقيم يدير بيها في الرابطة وهنا لما بيحصل مشكلة بدخل بس ليه؟ المفروض من يدير يبقى عنده الموضوع ككل ده الكورة لكن الكلام ده مبيحصلش في حتت تانية عندنا اللجنة الاولمبية والاتحادات الرياضية عملنا السيستم خلاص وبغير قانون الرياضة نتناقش اخر حاجة فيه ده يدي سلطات اكتر لأنها موجودة بين الجمعيات العمومية ومجالس ادارتها".
وأتم وزير الرياضة حديثه: "وده قولناه في اكتر من ازمة اتحاد الكرة عاوز تشيله مش الوزير اللي يتدخل النادي اللي عضو جمعية عمومية عنده حلين يا يطلب بتوقيعات جمعية عمومية غير عادية لطرح الثقة ولكن ليس الوزير ده حاجة مفروغ منها".