كولر: هذا هو سر مستوى شوبير



رد مارسيل كولر المدير الفني للأهلي على سبب المستوى الذي ظهر به مصطفى شوبير بعد مشاركته مع الفريق الفترة الأخيرة.

وقال كولر خلال المؤتمر الصحفي الذي أعقب فوز الأهلي على ميدياما: " مهم جدا في نادي كبير زي النادي الأهلي يبقى عندك حراس كويسين سواء الحارس الاساسي او الحراس اللي قاعدة على الدكة، تبقى مجهز كل الحراس".

وأضاف كولر: " السر؟ التدريب الكويس، معانا مدرب حراس كويس جدا ميشيل يانكون اللي بيدرب الحراس كويس جدا وبيبذل معاهم مجهود كبير طول الفترة الأخيرة،  بيبذل مجهود مش بس مع الحارس الأساسي لكن كمان مع مع كل الحراس اللي معانا".

وتابع كولر: " شوبير بقاله سنة ونص معانا بيتمرن بشكل جاد جدا انسان ايجابي جدا، رد فعله سريع جدا بيبذل مجهود غير عادي في التمرين النتيجة اللي انتوا شفتوها النهارده دي نتيجة تمرين سنة ونص وتعب سنة ونص".

واختتم كولر تصريحاته: " احنا مبسوطين جدا ليه ان هو قدر يبين جزء من امكانياته لكن لسه قدامه كتير واحنا ان شاء الله سعداء ان احنا عندنا حراس كويسين وان احنا لسه عايزين نطور حراسنا اكتر ويبقى عندنا دايما حراسنا تبقى احسن مستوى".

 

استطلاع الراى


توقعاتك لمواجهة الأهلي ضد مازيمبي بدوري أبطال أفريقيا؟
دوري أبطال أفريقيا - 2024

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا