كشف محمد عبد الوهاب عضو مجلس إدارة الأهلي السابق، كواليس رفض مجلس إدارة الأهلي لطلب محمد حسني مبارك رئيس الجمهورية السابق لعودة عصام الحضري لصفوف المارد الأحمر.
وقال محمد عبد الوهاب خلال حديثه عبر بودكاست "حكايتي": "عصام الحضري بالنسبالي غالي جدا أوقات كتير كانوا بيغلبوا وهما بيجددوله لأنه كان مجادل جدا، كنت أنا أدخل أقوله كذا يسمع كلامي كابتن عدلي القيعي اتجنن مرة وخد معاه كذا يوم علشان يمضي وأول لما أنا قولتله امضي مضى".
وأضاف: "عصام لما غلط وسافر كلمته وقولتله أنت غلطت غلطة كبيرة جدا ارجع وصلح الغلط هو كمل في الغلط أنا زعلت منه جدا ساعتها خصوصا لأنه سافر في وقت مهم جدا الفريق كان محتاجه فيه".
وواصل: "في تاريخ مجلس إدارة النادي الأهلي القرار الوحيد اللي اتاخد بالاجماع وليس بالأغلبية هو الاستغناء عن عصام الحضري".
وأكمل: "في أكتر من أن رئيس الجمهورية يكلم رئيس النادي الأهلي واحنا بنتكرم علشان يرجع عصام الحضري والكابتن حسن يطلب منه أنه يرجع لمجلس الإدارة ورجع لمجلس الإدارة والمجلس كله رفض".
واختتم محمد عبد الوهاب حديثه: "دكتور زكريا عزمي قال كابتن عصام كلم الريس على الموضوع والريس كلم دكتور زكريا وهو بدوره كلم كابتن حسن وكابتن حسن قاله لما أرجع لمجلس الإدارة ومجلس الإدارة كله رفض".