تحدث مارسيل كولر المدير الفني للأهلي قبل مواجهة العين الإماراتي في بطولة انتركونتيننتال مساء الثلاثاء على ستاد القاهرة.

ورد كولر على سؤال أحد الصحفين عن وجود قلق من جماهير الأهلي على مستوى الفريق في المباريات الأخيرة وقال: "أنا ما بوعدش بأي حاجة ولكن أنتم لو بصيتوا للفترة في بداية الموسم الماتشات اللي احنا لعبناها كان كلها ماتشات كؤوس لغاية دلوقتي، الدوري السنة اللي فاتت كان طويل جدا واللعيبة الدولية لعبت تقريبا سبعين مباراة وكانوا محتاجين راحة بدنية  بدأنا بدوري الأبطال ضد جورماهيا رايح جاي ومعسكر الاعداد عادة اللي محتاجه بيستغرق من أربع لست أسابيع وده مكنش متاح".

وأضاف كولر: "امر طبيعي جدا ان ف بداية الموسم يكون المستوى البدني والذهني للعيبة مش على اعلى مستوى لازم الناس تقدر الكلام ده، احنا لعبنا الست ماتشات كان لازم كل ماتش نفوز فيها كانت على الألقاب ضد جورماهيا لعبنا للتأهل دوري المجموعات في بطولة افريقيا،  لعبنا سوبر أفريقيا ضد الزمالك، لعبنا بعد كده ضد سيراميك علشان نوصل لنهائي السوبر المصري وقابلنا الزمالك تاني في نهائي السوبر المصري".

وأشار كولر: "بالنسبة لي انا متعود عليه السنتين اللي فاتوا ان احنا نشتغل تحت ضغط، احنا محتاجين شوية ان الناس تصبر علينا، من خلال خبرتي في السنتين دول ان المصريين ما بيعرفوش يصبروا، الناس يجب يتعلم الصبر، مفيش عصا سحرية هنقول كن فيكون".

وتابع كولر: "انا كنت مدرب دولي للنمسا وعارف كويس اني ان كمدرب للمنتخب ان الشغل البدني كله ما بيكونش معي اللعيبة بتيجي لي لمدة 10 أيان والشغل البدني مع النادي".

واختتم كولر تصريحاته: "بنأكد ان احنا لعبنا ضد الزمالك الماتش ده كويس ده بيدينا ثقة كبيرة ان احنا هنلعب بكرة وعندنا امكانيات كبيرة وفرص كبيرة ان احنا نفوز خاصة قدام جماهيرنا العظيمة اللي بتساندنا دايما،  وانا عندي احساس كويس ان احنا هنفوز بكرة ان شاء الله".