تحدث خالد مرتجي أمين صندوق النادي الأهلي عن قرعة كأس العالم للأندية 2025 والتي أسفرت عن وقوع الأهلي ضمن المجموعة الأولى مع بورتو البرتغالي وبالميراس البرازيلي وانتر ميامي الأمريكي.

وقال مرتجي في تصريحات لقناة الأهلي: " كلمني السكرتير العام للاتحاد الدولي وقال مباراة الأهلي وانتر ميامي هيبقى ماتش جامد أوي ومينفعش يتلعب الساعة 12 يوم الأحد ولازم يتلعب الساعة 8 بالليل يوم السبت بدل الأحد ولسه هيتكلموا في هذا الموضوع ولسه فيه تنسيق".

وأضاف مرتجي: "الواحد مهما اقول الواحد جسمه بيقشعر، الفخر الواحد اللي حاسس بيه بانتمائه لمؤسسة عظيمة زي مؤسسة النادي الأهلي، يعني الحقيقة حاجة ان دلت  على شيء تدل على توفيق ربنا وكرمه ومجهود الناس اللي شغالة من 1907 لغاية النهارده الناس اللي تقلدت المناصب في النادي من اصغر لأكبر واحد والحمد لله رب العالمين ان حاجة زي دي تحصل في عهد مجلسنا برئاسة حبيبنا ومحبوبنا كابتن محمود الخطيب".

واختتم أمين صندوق الأهلي تصريحاته: "لو تشوف الناس هنا بتتكلم عن النادي الاهلي ازاي سواء انفانتينو او الناس كلها ربنا كرمنا بالقرعة دي هتعمل تاريخ كبير ، أول نسخة من كأس العالم للأندية بـ 32 من أعظم فرق العالم وتلعب المباراة الافتتاحية ضد انتر ميامي حاجة حاجة تشرفنا كلنا كمصريين وتشرفنا كأهلاوية وتشرفنا كأفارقة"