علق الإعلامي الرياضي أحمد شوبير على الاستهانة التي يبديها البعض بمجموعة النادي الأهلي في بطولة كأس العالم للأندية، مشيرًا إلى قوة الفرق المنافسة في المجموعة.

وقال شوبير في تصريحاته الإذاعية: "مش عارف ليه نغمة الاستهانة بمجموعة الأهلي في كأس العالم للأندية، بالميراس زي بوتافوجو بطل اليبرتادوريس وبورتو من أقوى الفرق في أوروبا، حتى لو مبيحققش بطولات أوروبية، لكنه فريق قوي جدًا، وقيمته التسويقية 11 مرة ضعف قيمة الأهلي التسويقية، ليه الاستهانة ببورتو وبوتافوجو وبإنتر ميامي اللي بيضم ميسي وسواريز وبوسكيتس؟".

وتابع شوبير: "إحنا فرحانيين بتواجد الأهلي في القرعة وحديث العالم عنه، لكنني مندهش من الكلام اللي بيتقال. لازم تركز، أنت بتلعب في كأس العالم، إيه الاستسهال ده؟".

وأضاف شوبير: "أنا معاك لازم ندي الأهلي ثقة، لكن لازم نعرف أننا مش كتف بكتف مع بورتو ولا بوتافوجو. نحن ممكن نكون كتف أعلى من كتف بالإجتهاد، التصميم، الإصرار، والتركيز".