أكد محمد عبدالهادي الجهني، رئيس نادي أحد السعودي، إنه بيعاني نفسيًا بسبب الأزمة بين نادي الزمالك واللاعب البولندي كونراد ميشالاك. وقال الجهني في تصريحات لبرنامج "بوكس تو بوكس" مع الإعلامي محمد شبانة على قناة"etc"، إنه بيتلقى يوميًا حوالي 40 اتصال من الإعلام المصري والمقربين من النادي، وإن الموضوع أصبح مأثر عليه بشكل كبير.

وأضاف: "تعبت نفسيًا من موضوع ميشالاك مع الزمالك، والموضوع بقى مؤذي، بييجي عليّ يوميًا اتصالات كتير وأنا تعبت من الموضوع ده".
وأوضح الجهني: "راتب اللاعب مليون و800 ألف دولار سنويًا، وأنا تكلفت بـ600 ألف دولار من راتبه السنوي بعد انتقاله للزمالك، وبقية المبلغ بيتكفل بيه الزمالك، واللاعب تنازل عن مبلغ كبير عشان ينتقل للفريق الأبيض".

وتابع: "نادي أحد مش طرف في الأزمة بين الزمالك وميشالاك، واللاعب هو اللي رافض فسخ عقده مع الزمالك، واحنا تعبانين من الموضوع ده، وهو ما أخدش مستحقاته مع الزمالك".

وأشار الجهني إلى أن الزمالك طلب فسخ عقد الإعارة مع ميشالاك، ولكن هناك مشاكل مالية تعرقل الموضوع، خاصة في سداد مستحقات اللاعب، وقال: "من هيعوض اللاعب عن باقي مستحقاته؟ وهو تنازل عن مبلغ كبير عشان ينتقل للزمالك".

وأكد الجهني: "نادي أحد ساهم في صفقة ميشالاك، ومش معقول نعمل كده ويتعرض لينا السب، ومن 3 أيام بتواصل مع اللاعب ووكيله لحل المشكلة دي، وده مش شغلي". وأضاف: "ميشالاك مش بيلعب في الزمالك وبيتوجه ليه انتقادات وسب، وفي عقد لازم الزمالك يلتزم بيه. كرهت الكرة بسبب الموضوع ده".

وفيما يخص جوميز، قال الجهني: "جوميز، وهو كان مدرب للزمالك، اتكلم معايا عشان يتعاقد مع ميشالاك قبل بطولة السوبر، ولما تلقيت عرض رسمي لضم اللاعب، تم تسريب الخبر في الإعلام المصري، وده شيء مكنتش شفته في حياتي".

واختتم الجهني حديثه قائلاً: "أزمة الزمالك مع ميشالاك مش هتنتهي لأن الإدارة مش حريصة على دفع مستحقات اللاعب، والوضع صعب جدًا. إحنا بنحب مصر، لكن اللي بيحصل معانا مش صح".