نفى أحمد حسام "ميدو"، عضو اللجنة الفنية بنادي الزمالك، ما تردد في بعض وسائل الإعلام ومواقع التواصل الاجتماعي بشأن إمكانية توليه مهمة المدير الفني للفريق الأول لكرة القدم، خلفًا للبرتغالي جوزيه بيسيرو، مؤكدًا أن الأمر لم يُطرح من الأساس، ولم يخطر بباله نهائيًا.وقال ميدو في تصريحات إعلامية: "الفكرة بتاعة إنّي أتولى منصب المدير الفني للزمالك لم تُطرح تمامًا، ومفكرتش فيها خالص. عندنا مدير فني كبير بنثق فيه، وبندعمه بشكل كامل".وأضاف: "صحيح إن في أخطاء، وده طبيعي في كرة القدم، لكن لازم نعترف إن بيسيرو جه في توقيت صعب جدًا، والفريق كان في حالة مش مستقرة، والمشاكل مش بس فنية، في أخطاء من المنظومة كلها، ومش من العدل نحمّله المسؤولية وحده".وتابع : "إحنا في مرحلة لازم نحافظ فيها على الاستقرار، ونساعد الراجل على تصحيح المسار، مش نبدله لمجرد إن في نتائج سلبية".واختتم : "كلنا بندعم بيسيرو، وبنشتغل كفريق واحد علشان الزمالك يرجع لمكانه الطبيعي، والمساندة هي الطريق الوحيد في التوقيت الحالي".