شن الإعلامي أحمد شوبير، حارس مرمى الأهلي ومنتخب مصر السابق، هجومًا عنيفًا على هشام نصر، نائب رئيس نادي الزمالك، بعد تصريحاته الأخيرة التي طالب فيها الدولة بدعم الأندية الجماهيرية، ووجّه خلالها انتقادات إلى النادي الأهلي.

وقال شوبير، خلال برنامجه الإذاعي  :"من الحاجات اللي بتجنني إنك تلاقي حد ناجح، فتسأله: أنت ناجح ليه؟ بتجيب فلوس إزاي؟ بتكسب بطولات إزاي؟ طيب حضرتك عايزني أخسر؟! أنا بجيب بطولات فبالتالي بجيب فلوس وإيرادات، وده الطبيعي لأي مؤسسة ناجحة."

وأشار شوبير:"بدل ما تشتغل وتحقق دخل، تقول يا دولة إديني فلوس! الدولة مش مهمتها تدفع لك عشان تجيب لاعب. الدولة ممكن تساعدك بأرض أو تسهيلات، لكن مش هتديك مليارات عشان تنافس الأهلي."

واضاف:"بدل ما تحاسب الناجح، راجع إدارتك واطور شغلك. الأهلي كان بيعاني في بعض الألعاب، اشتغل وعمل إصلاحات ونجح. لازم كل واحد يبص لأخطائه بدل ما يلوم غيره."

وتابع:"الأهلي اشتغل على نفسه، طور منظومته، وحقق نتائج، فليه نحاسبه على نجاحه؟!"

واختتم شوبير :"من غير شغل مش هتكسب، ومينفعش نكافئ الفشل ونحاسب النجاح. اللي عايز يدير نادي جماهيري، لازم يشتغل بعقلية احترافية. ذاكر تنجح، مش هتذاكر مش هتنجح."