علق عدلي القيعي عبر قناة النادي الأهلي عن تصريحات مسؤولين نادي الزمالك وأن جميع اللاعبين ترغب في الإنتقال للقلعة الحمراء.
وقال عدلي القيعي:" اتضح ان كل اللاعيبة عايزة تروح النادي الأهلي، والله! ودي حاجة جديدة يعني ما علي طول كدة ، طبعًا كل اللاعيبة عايزة تيجي النادي الاهلي لأن الأهلي دايمًا بيديلك حاجات استقرار ودعم وقتال من أجل البطولات وبيهيألك المناخ انك تنجح وبيديك حقوقك في موعدها لأن انت كان عندك بوتيكات ورجال اعمال وكان الأحمر بيكتسح الدوري".
وتابع:" عاوز تقول انت وبتلقح ماشي ، وبعدين فكرة انه كان زمان اللاعيبة عايزة تروح منتخب مصر علي اعتبار إن منتخب مصر بيلعب في الدوري ، يعني تروح المنتخب او تروح النادي الأهي فلأ اروح الأهلي ، هل هذا منطق ممكن طرحه علي قيمتين كبار واحد مسئول مش بس في مجلس إدارة نادي كبير دة كان علي قمة اتحاد كبير والاخر إعلامي يعد من الأفضل ان مكنش الأفضل".
وأضاف:" يعني دة الحوار بيتقال علشان تغير الحقيقة إن كانوا بيحبوا يروحوا منتخب مصر دلوقتي بيحبوا يروحوا الأهلي علي إعتبار انت دة يتعارض أن يروح منتخب مصر ولا هما بيروحوا الأهلي عشان يروحوا منتخب مصر زي ما كنتوا بترددوا قبل كدة بس النغمة دي متنفعش في الخطة بتاعتكم دلوقتي ".
وأكمل:" عاوزين الضرب بين الأهلي والمنتخب دلوقتي الأول كانوا عاوزين يروحوا الأهلي علشان من سكته تبقي في المنتخب تبقي اسهل دلوقتي مش عاوز يروح المنتخب حتي دة عاوز يروح الأهلي ما يالمنافسة بين الأهلي ومنتخب مصر الأهلي طول عمره مرتبط نجاحات المنتخب بتفوق النادي الأهلي انتوا بتقولوا كلام بتسهلوا دورنا اننا نوضح الحقايق للناس".