تحدث حمادة عبد اللطيف عبر قناة الزمالك عم تعادل القلعة البيضاء مع البنك الأهلي بهدفين لكل فريق في الجولة الرابعة من المرحلة النهائية لبطولة الدوري المصري الممتاز.

وقال عبد اللطيف:" لاعيبة بتطلب فلوس قد كده، وعقود قد كده، أنتم بتعملوا إيه؟ بتأدوا إزاي؟ لا بتكسب ولا بتأدي ولا بتلعب كورة حلوة، زمان كنا مبناخدش بطولات كتير بس بنقول الزمالك مدرسة الفن والهندسة، بنحب نتفرج على الكورة الحلوة".

وتابع:" هات أي هجمة خطيرة انهاردة لنادي الزمالك لولا الخطأ بتاع الجون الثاني، وهي الهجمة الوحيدة في الشوط الأول ورجعنا كلنا بندافع هي دي كورة الزمالك!".

وأضاف:" انت محتاج فرقة، احنا محتاجين مش أقل من 7-8  لاعيبة ، فين الزمالك؟ فين الزمالك اللي بيهاجم؟ فين الزمالك اللي بيدافع؟ فين نص الملعب فين المهاجمين؟".

وأكمل:" معندناش غير نهائي الكأس، كونفدرالية طلعنا، دوري مفيش ،  معندكش غير الماتش ده، عندك إمكانيات لاعيبة على قدها والمفروض اتخاذ قرار،  بيسيرو لا يصلح لقيادة نادي الزمالك".