كشف الإعلامي أحمد شوبير حارس الأهلي ومنتخب مصر، عن أزمة البطولة العربية بعد تعيين الكابتن حلمي طولان مديرا فنيا للمنتخب لهذه البطولة وتعارض إقامة البطولة مع منافسات أفريقية وقارية.
وقال احمد شوبير عبر اون سبورت اف ام:"انا كنت بتكلم من كام يوم علي موضوع البطولة العربية ان احنا هنشارك بالمنتخب التاني وتم الاعلان انهم هيكونوا من لاعيبة الدوري الممتاز رشحنا طارق مصطفي وعلي ماهر ورشحوا البدري".
وتابع: "وانا قولت صعب لأن مرتبط بعقد في ليبيا وعرفت ان في اتصالات من اجل العودة لمنافسات الدوري الليبي ان شاء الله ، خليني اسالك وانت تجاوبني المرادي تم الاعلان بالامس ان كابتن حلمي طولان مدير فني للمنتخب ده".
ولفت: "انا بحب كابتن حلمي هو في اللجنة الفنية والكابتن حلمي انتقد حسام حسن كان طلعتله تصريحات وانتقد والكابتن حلمي طلع قال دي تصريحات قديمة وانامنذ اليوم مساند المنتخب وحسام حسن".
وزاد: "انا كلمت امبارح كابتن حلمي قالي والله انا فوجئت وباركتله وبتاع وقالي انا مقدرش اقول لا على بركة الله يا كابتن حلمي معرفتش الجهاز المعاون يعني ، ثم عرفت الجهاز المعاون معاه الدكتور ممدوح المحمدي وده راجل بعيد عن الاضواء".
وأكد: "هو معندوش مشاكل في حاجة خالص علي جنب ومعاه كابتن احمد حسن مديرا للمنتخب وهو عضو في اللجنة الفنية ، ومعاه عصام الحضري مدربا لحراس المرمي ، الناس بدأت تقولك عندي بطولة الامم الافريقية واكتر تلاتة بينتقدوا حسام حسن كان كابتن حلمي وكابتن عصام الحضري وكابتن احمد حسن ، هو انت ايه عاوز تزهق حسام حسن بدري يعني؟.".