وجّه الإعلامي خالد الغندور التهنئة للاعب محمد شريف بعد إعلان عودته رسميًا إلى صفوف النادي الأهلي، مؤكدًا أن اللاعب اتخذ القرار السليم بالعودة إلى النادي الذي شهد انطلاقته الحقيقية وصنع له اسمًا في عالم كرة القدم.
وقال الغندور في تصريحات إعلامية: "ألف مليون مبروك لمحمد شريف، وعاوز أقولك كلمة في ودنك: اختيارك سليم، مبروك يا حبيبي إنك صبرت لحد ما رجعت لناديك اللي عمل اسمك وكبرك وخلى الناس تعرفك، النادي اللي خلاك تركب أحلى عربية وتعمل بيتك وتحترف وتروح منتخب مصر وتكسب بطولات ويتكتب اسمك في التاريخ".
وأشار الغندور إلى أن اللاعب مر بفترة صعبة خلال احترافه بنادي الخليج السعودي، حيث عانى من الإصابات المتكررة والابتعاد عن قائمة منتخب مصر، لكنه رغم ذلك تحلّى بالصبر حتى تحققت عودته للأهلي.
وتابع: "بعد نهاية عقدك كانت في أندية كتير عايزاك، سواء في مصر أو بره، وكان ممكن تاخد فلوس كتير جدًا، وبغض النظر عن موضوع الزمالك، أنا مش متأكد إذا كانوا عاوزينك ولا لأ، لكن حتى لو الزمالك كان عاوزك، كنت هتروح بس لو الأهلي رفضك".
واختتم: لازم نشجع اللاعيبة اللي عندها ولاء لناديها، اللي بتبص لتاريخها مش بس للفلوس. محمد شريف لاعب صبر، وصبره جاب له اللي بيتمناه".