أشاد أحمد حسام ميدو، عضو لجنة التخطيط السابق بنادي الزمالك، بالحالة الانضباطية التي يعيشها الفريق الأول لكرة القدم بالنادي في الوقت الحالي، معبرًا عن تفاؤله بمستقبل الفريق خلال الموسم المقبل.

وكتب ميدو عبر حسابه على منصة "تويتر":اللي بيحصل في الزمالك دلوقتي عظمة.. وطول عمري بحلم إن فريق الكورة يتقفل عليه ويبقى معسكر الزمالك كأنه ثكنة عسكرية، وأنا متفائل خير إن فريق الكورة على الطريق الصحيح."

وتابع:"بقالنا سنين بنعاني من تسريب أخبار الفريق، وبقالنا سنين بنعاني من الناس اللي فاكرين الزمالك ورث شرعي، وإن الشغل فيه حق مكتسب حتى لو ما عندكش أي مؤهلات."

وأوضح ميدو أنه لا يتواصل حاليًا مع أي مسؤول داخل النادي، مؤكدًا:

"أنا والله ما ليا مصلحة مع أي حد جوه النادي دلوقتي، ولا حتى بتكلم مع أي حد جوه النادي.. لا بكلم حد ولا بيرد عليا حد، وقررت إن الفترة الحالية أرجع مشجع بس، أروح ماتشات الزمالك من غير ما يكون بيني وبين أي مسؤول في النادي أي كلام."

واختتم ميدو حديثه قائلاً:"كمشجع زملكاوي، أنا مبسوط جدًا ومتفائل إن إن شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده."