أكد الإعلامي أحمد شوبير في برنامجه "حارس الأهلي" أنه لا توجد أي مفاوضات حالية بين الأهلي ومصطفى محمد لاعب نانت الفرنسي.وقال: "أولا لازم تبقى عارف وأنا أبقى عارف أن مجلس إدارة النادي الأهلي بيحاول يعمل كل حاجة في النهاية عشان يرضي الجمهور. لكن الجماهير آراءها مختلفة. معلوماتي أنه مفيش أي سؤال أو اتصال أو مفاوضات مع مصطفى محمد. دي معلوماتي. ممكن يكون في معلومات تانية. بس دي المعلومات وأنا بحب أكون واضح في مثل هذه الأمور".وأضاف خلال برنامج "حارس الأهلي":مجلس الإدارة بيحاول يعمل كل حاجة عشان يرضي الجمهور، بس آراء الجماهير مش دايمًا واحدة، وبالنسبة للاعبين الشباب زي حمزة عبد الكريم، وبلال عطية، وأحمد عابدين، وهيثم عبد العظيم، دول لازم ياخدوا فرصتهم، بس برضو عندك لعيبة كبار، والجمهور مش بيستحمل لو لاعب غلط، سواء كان كبير أو صغير".وشدد على ضرورة دعم اللاعبين وعدم الهجوم عليهم بسبب الكبوات:"كل الناس بتغلط، ولازم نحترم اللي قدموا عمرهم للنادي الأهلي، ونفضل دايمًا في ظهرهم".