أكد اللاعب السابق محمود فتح الله أن نادي الزمالك يظل منافسًا قويًا على البطولات، رغم الأزمات التي يمر بها، مشيرًا إلى أن اسم النادي الكبير وجماهيريته الواسعة يجعلان منه دائمًا طرفًا في المنافسة.

وقال فتح الله خلال ظهوره في برنامج "قهوة فايق": "من سنين طويلة والزمالك دايمًا بيتصدر المشهد، مهما كانت مشاكله، عنده اسم كبير وجمهور واسع جدًا، وده يخليه دايمًا منافس. اللي بيقول إن الزمالك مش هينافس بسبب مشاكله كلام مش منطقي، النادي عمره ما خلى المشاكل تمنعه من تحقيق البطولات."

وأضاف: "الأهلي نفسه كان عنده مشاكل قبل مباراة الزمالك، ومع ذلك الأمور عدت، فليه الزمالك لأ؟ الماتش اللي بتكسبه بيغطي على المشاكل، والفرق الكبيرة دايمًا عندها أزمات وبتكمل، والزمالك مش استثناء."

واختتم فتح الله حديثه قائلًا: "الأزمة المالية في الزمالك حقيقية وكلنا عارفينها، لكن ده مش معناه إن النادي مش قادر ينافس، ممكن يعمل مجهود مضاعف ويحقق بطولة، خصوصًا إن البطولات القصيرة زي السوبر متاحة للجميع سواء الأهلي أو الزمالك أو بيراميدز أو سراميكا."