طالب محمود عبد الرازق شيكابالا، قائد فريق الزمالك، الجهات المسؤولة بالنظر بجدية في أزمة أرض النادي، محذرًا من أن استمرار الوضع الحالي قد يُهدد مستقبل القلعة البيضاء، ويُفقدها القدرة على الاستمرار.
وفي تصريحات لبرنامج "جمهور التالتة" مع الإعلامي إبراهيم فايق، قال شيكابالا: اللي مبيتقالش إن فيه ناس كتير من خارج نادي الزمالك بتساعده حاليًا، وفيه كمان من جوه النادي اللي دفعوا أرقام كبيرة جدًا جدًا جدًا، عشان يقف الزمالك على رجله".
وأضاف قائد الفريق الأبيض: لجنة الاستثمار دفعت أرقام كبيرة، لكن للأسف بنلف في نفس الدائرة بسبب أزمة أرض الزمالك".
وأشار شيكابالا إلى وجود سوابق مشابهة في أندية أخرى، تم تجاوزها بقرارات استثنائية، قائلًا: فيه أندية تانية كان عندها مشاكل في أراضي قبل كده ورجعتلها، وفيه استثناءات بتحصل في الكرة، خصوصًا في الأندية الكبيرة".
واختتم تصريحه برسالة مباشرة: أنا أتمنى الناس تبص بصة لنادي الزمالك، لأننا فعلاً عندنا مشكلة.. ولو عايزين نادي الزمالك ميبقاش ليه وجود في الفترة اللي جاية، يبقى فعلاً متخلوش الأرض دي ترجع للنادي".