أثار الإعلامي خالد الغندور، الجدل من جديد، بعد انتقاده مهاجم الأهلي الجديد.

وقال الغندور عبر إذاعة أون سبورت أف أم: "امبارح كاموش اللي نزل دة، انا معرفش العين اللي بتختار تمشي لاعيب أجنبي وتجيب لاعيب أجنبي اقل من ، وحد يقولي يا عم خالد متحكمش دة فلافيو معرفش اية ، اقوله فلافيو مختلف كان واضح انه جامد قوي بدنيا وبيلعب براسه ، التاني دة بيلعب في دوري الدرجة التانية النادي السويدي هيستغني عنه لية طالما هزو جامد اوي كدة ويديه بـ 400 الف دولار اعارة اربع شهور ، وانا بقولكم اهو وافتكروا كلامي الاهلي لن يفعل عرض كاموش."

وأضاف: "علي فكرة كاموش هيجيب أجوان مع الاهلي مع الاهلي علي فكرة لأن اي حد لامؤاخذة مبيعرفش يلعب هيلعب مع الاهلي هيجيب أجوان لان اللاعيبة اللي حواليه جامدة وهتجيله فرص والجون فاضي ومعرفش اية زي موديست كدة لما جيه فترة يعني."

وعن رحيل جراديشار: "انت بتمشي جراديشار وتجيب كامويش والعين اللي شايفها شايفه انه مش ستايل الاهلي مش دة راس الحربة اللي الاهلي عاوزه دة محمد شريف احسن منه دة من وجهة نظري يعني ، الناس هعتبعتلي وتقولي  يا خالد متحكمش لا احنا سااعت بنحكم وبنوشف اللاعيب من اول لمسة ومن طريقة لعبه جسمانيا عامل ازاي رجله عامله ازاي واتقال انه 188 سنتي لكن جسمانيا مش قوي  يعني 188 اه، لكن رفيع رجله رفيعه تحركاته معرفش محستوش امبارح."