قال الإعلامي أحمد شوبير، عبر إذاعة أون سبورت إف إم، إن النادي الأهلي تواصل مع اللاعب كباكا، لكنه قال إنه سيكمل مع نادي زد هذا الموسم.وأضاف شوبير: " طبعًا هيطلع البعض وغضبان ويتكلم، لكن الولد عاوز يلعب، وبالتالي قال أنا مكمل مع نادي زد، بلعب وبلعب أساسي، مش عاوز أقعد على الدكة. زد كان في مفاوضات وعاوز ياخد شكري، لكن مع رفض كباكا اتقفل الباب إن تحصل الصفقة التبادلية شكري لزد وكباكا للأهلي".وتابع: " وعلى فكرة قصة شكري مع كباكا خلت الولد يصمم أكتر إنه يكمل، ما شكري إنت لسه شاريه أول السنة، وفي الآخر بتسيبه، يقولك أنا هروح إيه اللي يضمني إني ألعب؟ ففي قصة يعني".وأكمل شوبير: " أنا من زمان بقولكم على كباكا لاعب كويس قوي، ولو ديانج مشي لازم ترجعه السنة الجاية. الأندية الكبيرة عندنا زي الأهلي والزمالك ما بتلعبش لاعب إلا للظروف الطارئة القهرية، زي ما حصل للزمالك، لكن الدنيا تمام ومزهزهة، والله ما هتشوف ولا لاعب صغير".