عبر عبدالرحمن حميد، حارس مرمى الفريق الأول لكرة اليد بالنادي الأهلي، عن فخره الشديد بما يقدمه فريقه خلال السنوات الأخيرة، مؤكدًا أنه تم استعادة هيبة النادي في اللعبة.

وساهم "حميد" مؤخرًا في تتويج الأهلي ببطولة كأس مصر لكرة اليد، عقب تغلبه على النادي الأولمبي بنتيجة 36-28، ليحصد "الأحمر" بطولته الرابعة هذا الموسم، بعد بطولة أفريقيا للأندية أبطال الدوري، وكأس السوبر، ودوري المحترفين.

وكتب حارس يد الأهلي عبر صفحته الشخصية على فيبسبوك: "عايز اقول كلمتين في حق فريقي " الرجالة ".. أولا أنا فخور بكل واحد فيهم و فخور إن انا كنت واحد من جيل قدر يدي النادي الأهلي كل حاجة و يرجع هيبة النادي في اللعبة و يتسيد مصر و أفريقا لسنين كتير و لسه ان شاء الله اللي جاي أحسن.

وأضاف: " كلامي هنا عشان كل واحد في الفرقة بجد مع كل اللي حققناه ده لكن مفيش حد شبع بالعكس احنا حبينا بعض و حبينا المكسب مع بعض أكتر ، للعلم " أكتر من نص الفريق عنده إصابات و إصابات كبيرة و صعبة " لكن كلنا عايزين نفضل نكتب تاريخ في النادي و نحقق أكتر و محدش خاف علي نفسه و قال مش هلعب ، عشان كده الحمدلله احنا الفريق الأنجح في أفريقيا و أخيرا ممتن جدا إني حققت البطولة رقم ٢٤ ليا جوة النادي الحمدلله."