تحدث بشير التابعي نجم دفاع نادي الزمالك السابق عن نسبة حضور جماهير الأهلي والزمالك في مباريات القمة في وقت سابق.

وقال التابعي في حواره لبرنامج اللعيب المذاع على قناة إم بي سي مصر مساء أمس الأربعاء "لما كنا بننزل نلاعب الأهلي في ستاد القاهرة أو الكلية الحربية كان 75% من الجماهير منتمين للنادي الأهلي".

وأضاف "لما كنا بننزل في بداية المباراة كان جمهور الأهلي بيزوم على لعيبة الزمالك أول 10 أو 15 دقيقة وكان ده بيمثل ضغط".

وأستكمل التابعي "الفترة الي كان جمهور الزمالك بيجي أكتر من جمهور الأهلي كان فريقنا بينزل الماتش مستريح شوية، لكن في الحقيقة ان 3/4 المباريات الي لعبتها أمام الأهلي كان جمهور الأهلي أكثر بكتير".

وتابع "مش عارف سبب ده إيه، احنا عمرنا ما لاعبنا الأهلي في وجودي وكان الدوري محسوم مثلًا وكانت المنافسة مستمرة بين الفريقين".

وأردف التابعي "لما كنا بنسجل الأول قصاد الأهلي كان جمهور الأهلي بيساند الفرقة ويفضل يشجعها لحد ما يتعادلوا او يكسبوا، لكنا لما كان بيخش احنا فينا جول في أول الماتش الجمهور مكنش بيقف ورانا، الي بقوله ده مش غلط، دي حقائق وكان بيحصل".