فجر شريف عبد الفضيل لاعب النادي الأهلي السابق مفاجأة بشأن استبعاده من قائمة منتخب مصر لبطولتي أمم إفريقيا في 2008 و2010 والتي حقق فيهم منتخب الفراعنة الفوز باللقب تحت قيادة حسن شحاتة.

وقال عبد الفضيل في تصريحات تلفزيونية أمس الأحد عبر برنامج جمهور التالتة "اتظلمت بخروجي من قائمة المنتخب في 2008 و2010 وابصم بالعشرة إني اتظلمت انا ووليد سليمان، كنت بلعب التصفيات بتاعة بطولة إفريقيا وكأس العالم لكن في البطولات المجمعة مكنتش بنضم".

وأضاف "كان اسمه ايه ده بيقولهم لا بلاش دول ينضموا، الوسواس كان بيقولهم بلاش فلان وفلان، خلينا نقول عليه الشيخ الي كان بيجي للمنتخب كان بيقولهم بلاش دول علشان مش بتفائل بيهم".

وأستكمل عبد الفضيل "كان بيتقال نصًا ان خليك بالمجموعة دي علشان ربنا هيكرمك ومتضيفش عليهم حد جديد، والله الكلام ده بجد وكان بيحصل".

واختتم اللاعب تصريحاته "المهم اننا اخدنا البطولتين في الآخر وربنا يجعل كلامنا خفيف عليهم علشان كتروا قوي اليومين دول".