شرح مرتضى منصور رئيس مجلس إدارة نادي الزمالك كيفية دفع رشوة لأي حكم دون ان يجلس معه لاعب بالفريق، وذلك بعد التصريحات التي أدلى بها فاروق جعفر لاعب الفريق الأبيض السابق.
وقال فاروق جعفر خلال حديثه عبر قناة الزمالك " زمان كانوا يجيبوا الحكام في البطولات الافريقية لينا ولأندية تانية مش احنا بس ونقعد مع الحكم وأنا كنت بقعد مع الحكم" وذلك بصفتي كابتن الفريق".
وأضاف جعفر "كان الحكم يسألني هل تطلب ضربة جزاء أم طرد لاعب من المنافس؟ وفي نفس الجلسة كان هناك أشخاص من الإدارة مثل مدير الكرة والمدير الإداري فأقوم بالاختيار بينهم".
من جانبه قال مرتضى منصور في مقطع فيديو نشره عبر صفحته الرسمية على موقع التواصل الاجتماعي فيسبوك "اتحدى ان يكون فاروق جعفر قعد مع حكم قبل كدة، قاروق أو غير فاروق في الزمالك".
وأضاف "وبعدين اللي عاوز يرشي حكم ميقعدش معاه لاعب، يقعد معاه اداري، علشان لو الحكم أتكلم أقوله أنا معرفش مين اللي معاك ده ولا عمري شوفته، لكن مش هبعتله اللاعب بتاعي".
وتابع "اللاعب هيسيب الفريق والمعسكر وهيروح يقعد مع الحكم؟ وبعدين فاروق جعفر لما يقعد مع الحكام هيكلمهم ازاي بلغة الإشارة؟ ده مبيعرفش يتكلم انجليزي وبيتكلم عربي بالعافية".
طالع أيضا:
مرتضى منصور: فاروق جعفر خد حبوب الشجاعة وأثرت عليه زي فيلم أرض النفاق