شن نادر شوقي، رئيس شركة كرة القدم بنادي الجونة هجومًا عنيفًا على الطاقم التحكيمي لمباراة فريقه أمام الزمالك، في المباراة التي جمعت الفريقين مساء اليوم الأحد في الجولة 30 من الدوري العام.

وتدخلت تقنية الفيديو لإنقاذ الزمالك من سقوط جديد أمام الجونة، بعدما احتسبت ركلة جزاء وهمية للأبيض في الدقيقة الثانية من الوقت المحتسب بدلًا من ضائع.

وقال نادر شوقي خلال تصريحاته بإذاعة الشباب والرياضة :"أشكر لاعبي فريقي، لأنهم لم يقصروا، وتمكنوا من تسجيل هدف أول وثان وثالث، ولكن قصة تقنية الفيديو (حاجة صعبة أوي)".

وحاول كريم حسن شحاتة، مقدم الاستديو التحليلي تضليل نادر شوقي حول احتمالية صحة ركلة الجزاء، إلا أن الأخير قاطعه قائلًا :"(كريم كريم، هنقعد يمين وشمال ، بس هي لو جاتلي انا مكنتش اتحسبت.. خلصنا)".

وأضاف :"(مش عاوز ازود عن كده، بس مفيش حد في مصر شاف ان دي ضربة جزاء غير الناس اللي قاعدة في العربية –حكام تقنية الفيديو-، لا انت شوفتها، ولا انا شوفتها، ده انا حتى خرجت بره عشان اشوفها".

وأتم نادر شوقي تصريحاته قائلًا :"(هو الحكم شافها ازاي ؟ انا لو جاتلي دي في اخر دقيقة مش هتتحسب، احنا عارفين الليلة ... المرة اللي فاتت جون اتطرد والماتش اللي بعديه جون اتطرد، كل ما اقوم حد يوقعني".