تغزل حسام غالي قائد خط وسط النادي الأهلي السابق ومنتخب مصر في ثنائي النادي الأهلي الحالي عمرو السولية وحمدي فتحي لاعبا خط وسط القلعة الحمراء.
وقال غالي في تصريحات تلفزيونية أمس الأربعاء عبر قناة ام بي سي مصر "لاعبي الأهلي الحاليين في خط الوسط مميزين ولديهم قدرات عالية مثل السولية وحمدي فتحي وديانج وأكرم توفيق".
وتابع "أنا بحب عمرو السولية وشخصيته جدًا، هو جه النادي الأهلي عليا انا وحسام عاشور ومكنش بيبدأ مع مارتن يول بشكل أساسي وكان بيطلع برة الماتشات كمان".
وواصل "السولية معترضش ولا كشر ولا اتضايق، كان تاني يوم يجي الجيم يتمرن أكتر ويعمل مجهود مضاعف لحد ما أخد مكانه ولعب عليا أساسي، ودلوقتي بقى لاعب أساسي في الفريق".
وأضاف غالي "بحب انا نوعية اللعيبة الي يكون عندها هدف بتشتغل عليها وتمسك في الفرصة متسيبهاش، حمدي فتحي كمان بحبه جدًا، من يومه الأول في الأهلي ومستواه في حالة تصاعد".
وأردف "حمدي لاعب مجتهد وراجل وشخصية جوة الملعب، اتصاب ورجع تاني زي ما كان وأحسن وأخد مكانه واحدة واحدة في الملعب".
وأختتم حسام غالي تصريحاته قائلًا "بحب نوعية السولية وفتحي، بيعملوا الي عليهم وزيادة في أرض الملعب سواء كانت مباراة سهلة أو صعبة، ومحدش فيهم بيستخبى في المباراة".