تحدث محمد الشناوي كابتن الفريق الأول لكرة القدم بالنادي الأهلي وحارس مرمى القلعة الحمراء عن مباراة بايرن ميونيخ المنتظرة غدا في نصف نهائي كأس العالم للأندية.

وقال الشناوي في تصريحات بالمؤتمر الصحفي الخاص بمباراة الأهلي وبايرن ميونخ أن الفريق جاهز لمواجهة بطل أوروبا، وتقديم عرض قوي ومتميز يليق ببطل إفريقيا.

وتابع "الفترة الي فاتت اتمرنا بشكل كويس، اللعيبة كلها عندها ثقة في نفسها، احنا مش اقل من أي حد، احنا ابطال افريقيا وبنلعب باسم النادي الأهلي".

وأضاف الشناوي "واثق في اللعيبة والجمهور في ضهرنا دايمًا، كنا سعدنا بوجودهم من أول يوم في المطار، اللعيبة كلها في القائمة رجالة وبكرة هنقدر نقدم حاجة كويسة جدًا ان شاء الله".

وأردف الشناوي "كنا نتمنى مواجهة بايرن ميونيخ من قبل اجراء القرعة، احنا النادي الأهلي بطل قارة افريقيا، احنا أكبر نادي في افريقيا، مباراة صعبة بس في الأول وفي الأخر 11 لاعب ضد 11 لاعب في أرض الملعب، الي بيفرق بس الإمكانيات، هم بطل أوروبا وله احترامه وعاملين نتائج كبيرة جدًا الفترة الي فاتت واحنا كمان عملنا نتائج جيدة في قارتنا".

وأكمل الشناوي "الجميع جاهز للمباراة، مش مركزين في السوشيال ميديا ومركزين فقط في المباراة الجاية والي بعدها، مش مركزين مين بيقول ايه، عندنا هدف واحد وهنوصله، بندرس المباراة وده شغلنا، مش بنهتم بأي شيء تاني".

وأختتم قائد الأهلي تصريحاته "رسالتي للجمهور أننا نكون سعداء بوجودكم في المدرجات وكنا نتمنى يكون العدد اكتر من كدة، وان شاء الله نقدر نفرحكم دايمًا".